Flynas авиакомпанияси Жидда — Тошкент — Жидда йўналиши бўйича тўғридан тўғри рейсларни йўлга қўймоқда. Биринчи йўловчи рейси 2023 йилнинг 27 мартига мўлжалланган.
Фото: Uzbekistan Airports
Рейслар Airbus A320neo самолётларида ҳафтасига тўрт марта — душанба, чоршанба, жума ва шанба кунлари мунтазам равишда амалга оширилиши режалаштирилган.
Авиакомпания 2022 йил сентябридан Жидда — Тошкент — Жидда йўналиши бўйича Бокуга техник қўниш билан йўловчи рейсларини амалга оширмоқда. Ушбу рейслар 2023 йилнинг 24 мартигача амалга оширилади, шундан сўнг авиаташувчи янги парвозлар жадвалига ўтади.
Flynas — Саудия Арабистони авиакомпанияси. Қирол Холид халқаро аэропортида жойлашган. Flynas World Travel Award ва Skytrax томонидан Яқин Шарқнинг етакчи арзон авиакомпанияси деб топилган.
