Тошкент шаҳрида каналга тушиб кетган автомашина чиқариб олинди. Бу ҳақда Фавқулодда вазиятлар вазирлиги хабар бермоқда.
Видеодан кадр
Кеча, 26 апрель куни соат 20:00 да «Дамас» русумли автомашина ҳайдовчисининг эҳтиётсизлиги оқибатида Тошкент шаҳар Яшнобод тумани Элбек кўчасидан оқиб ўтувчи Салар каналига тушиб кетган.
Шу сабабли, уни чиқариб олишда амалий ёрдам сўраб, Тошкент шаҳар ФВБ навбатчилик қисмига мурожаат қилинган.
Хабарга кўра, ФВБнинг бир гуруҳ қутқарувчилари воқеа жойига етиб бориб, автомашинани каналдан олиб чиққан.
Ҳодиса натижасида вафот этган ва тан жароҳати олганлар йўқ.
