Ўзбекистонда яшаётган Иккинчи жаҳон уруши қатнашчилари сони маълум қилинди

Ўзбекистонда истиқомат қилувчи Иккинчи жаҳон уруши ва фронт орти қатнашчиларининг сони 2023 йил 6 май ҳолатига кўра 174 нафарни ташкил қилади.

Мудофаа вазирлиги матбуот хизмати берган маълумотга кўра, уларнинг сони вилоятлар кесимида қуйидагича:

• Қорақалпоғистон Республикаси — 3 нафар;
• Андижон вилояти — 6 нафар;
• Бухоро вилояти — 7 нафар;
• Жиззах вилояти — 6 нафар;
• Қашқадарё вилояти — 10 нафар;
• Навоий вилояти — 9 нафар;
• Наманган вилояти — 7 нафар;
• Самарқанд вилояти — 10 нафар;
• Сирдарё вилояти — 3 нафар;
• Сурхондарё вилояти — 8 нафар;
• Тошкент вилояти — 26 нафар;
• Фарғона вилояти — 19 нафар;
• Хоразм вилояти — 5 нафар;
• Тошкент шаҳри — 55 нафар.

100 ва 100 ёшдан ошган Иккинчи жаҳон уруши ва фронторти қатнашчиларининг сони 25 нафарни ташкил қилади. Уларнинг умумий ҳисобда энг кичиги 78 ёшда (манбаларга кўра, у уруш якунланган 1945 йилда нацистлар концлагерида туғилган) бўлса, энг каттаси 112 ёшда.

Президент томонидан 2 май куни имзоланган фармонга кўра, Иккинчи жаҳон уруши қатнашчилари ва ногиронларининг ҳар бирига 18 миллион сўм миқдорида бир марталик пул мукофоти берилади.