Италия пойтахтида старт олган таэквондо WТ бўйича Гран-при мусобақасининг биринчи куни Ўзбекистон учун муваффақиятли якунланди.
-68 кг вазн тоифасида баҳс олиб борган Улуғбек Рашидов олтин медални қўлга киритди.
Рашидов финалда венгриялик Левенте Жозсани 2:0 ҳисобида мағлубиятга учратди. Шу тариқа 8 йиллик танаффусдан кейин ўзбекистонлик таэквондочилар Гран-при мусобақасида яна олтин медалга сазовор бўлишди. Сўнгги бор 2015 йили Димитрий Шокин уддалаганди.
Шунингдек, +80 кгда Никита Рафалович кумуш медал соҳибига айланди. У финалда британиялик Каден Куннингҳэмга ютқазиб қўйди.