Ўзбекистонда 2144 та хўжалик юритувчи субъектларга нисбатан қўлланган жарима бўйича юзага келган 1,7 трлн сўм миқдоридаги қарздорлик ҳисобдан чиқарилди.
Фото: Kun.uz
Солиқ қўмитаси хабарига кўра, 2023 йил 1 июнь ҳолатига хўжалик юритувчи субъектларнинг ташқи савдо операциялари бўйича муддати ўтган дебитор қарздорлиги учун қўлланган жарималар суммаси ҳисобдан чиқарилади, ушбу жарималарни ундириш билан боғлиқ суд ва ижро ишлари тугатилади.
Ташқи савдо операциялари бўйича муддати ўтган дебитор қарздорликнинг вужудга келиш муддати 2023 йил 1 июндан бошлаб янгидан ҳисобланади.
Президент қарори қабул қилиниши натижасида 1631 та субъектга 2,5 трлн сўм миқдорида жарима қўллаш юзасидан иқтисодий судларга киритилган аризалар кўриб чиқилиши тўхтатилади.
4170 та субъектга 5,5 трлн сўм миқдорида жарима қўллаш юзасидан кўрилаётган чоралар тўхтатилди.
