"Янги Ўзбекистон" боғига туташ ҳудудда "Ҳунармандлар маскани" қурилади

"Янги Ўзбекистон" боғига туташ ҳудудда "Ҳунармандлар маскани" барпо этилади ва ҳунармандларга ижарага берилади. Бу ҳақда республика "Ҳунарманд" уюшмаси бошқарма бошлиғи Жамшид Тиляков маълум қилди.

Президент фармонига кўра, Тошкент шаҳар ҳокимлиги ва "Ҳунарманд" уюшмасига 2024 йил 1 мартга қадар маҳаллий бюджет маблағларининг орттириб бажарилган қисми ҳисобидан "Янги Ўзбекистон" боғига туташ ҳудудда захирадаги 0,3 гектар ер майдонида "Ҳунармандлар маскани"ни барпо этиш ва ҳунармандларга жойларни ижарага бериш топширилмоқда.

Шунингдек, ҳунармандчилик фаолиятининг йўналишлари амалдаги 34 тадан 43 тага кўпайтирилди.

"Халқ амалий санъати усталарининг миллий каталоги" ва "Туризм соҳасида фаолият юритаётган ҳунармандлар реестри"га киритилган ҳунармандлар учун преференциялар 2023 йил 1 июндан 2025 йил 1 январгача узайтирилди.

#боғ #Янги Ўзбекистон

Kun.uz янгиликларини Google News'да кузатинг

+ Обуна бўлиш