«Барселона» янги футболчиси Илкай Гундўған 2023 йилда қайси футболчи «Олтин тўп»га муносиблиги ҳақида берилган саволга жавоб қайтарди.
– Бир неча уринишлардан кейин ўтган мавсум «Манчестер Сити» сардори сифатида Чемпионлар лигаси бош совринига эга чиқдингиз. Сизнингча, «Олтин тўп» кимга топширилиши керак?
- Фикримча, бу фақатгина Лионель Месси ва Эрлинг Ҳоланд ўртасидаги кураш. Уларнинг ёнида ҳеч кимни кўрмаяпман.
Месси ва Ҳоланд мавсумни ажойиб ўтказишди – иккиси ҳам катта совринга эга чиқди. Албатта, буни мен ҳал қилмайман, аммо ўйлашимча, «Олтин тўп»ни бу икки ўйинчидан бири қўлга киритади», - дейди германиялик футболчи.
Маълумот учун, Месси ўтган мавсум «ПСЖ» билан Францияда чемпионликни қўлга киритди, Аргентина миллий жамоаси сафида эса жаҳон чемпионига айланди.
Ҳоланд эса «Манчестер Сити» билан требл қайд этди – АПЛ, ЕЧЛ ва Англия кубогини қўлга киритди. Норвегиялик форвард мавсумдаги 53 ўйинда 52та гол ва 9та ассист қайд этди.
