Қўшимча функционаллар
-
Тунги кўриниш
Шавкат Мирзиёев Бишкекда Александр Лукашенко билан учрашди
Ўзбекистон ва Беларус етакчилари икки томонлама муносабатлар кун тартибидаги масалаларни муҳокама қилди.
Фото: Президент матбуот хизмати
Ўзбекистон президенти Шавкат Мирзиёев 13 октябр куни Бишкек шаҳрида ўтаётган МДҲ саммити доирасида Беларус президенти Александр Лукашенко билан учрашув ўтказди.
Икки томонлама муносабатларнинг долзарб масалалари муҳокама қилинди.
Етакчилар Ўзбекистон ва Беларус ўртасидаги кўп қиррали алоқалар ривожланиб бораётганини қайд этди.
Ўзаро товар айирбошлаш кўрсаткичлари ўсмоқда, иқтисодиётнинг турли тармоқларида кооперация лойиҳаларини амалга ошириш давом этмоқда.
Маданият, кинематография ва спорт соҳасида қўшма тадбирлар мунтазам ўтказиб борилмоқда.
Давлат раҳбарлари савдо-иқтисодий ва ҳуманитар ҳамкорликни янада кенгайтириш бўйича ўзаро мувофиқлашган чораларни кўриш, жумладан, Ҳукуматлараро комиссиянинг навбатдаги йиғилиши, Ҳудудлар форуми ҳамда Ўзбекистон ва Беларус етакчи олий таълим муассасалари ректорларининг учрашувини ташкил этиш муҳимлигини қайд этди.
МДҲ ва бошқа халқаро тузилмалар доирасидаги ҳамкорлик юзасидан фикр алмашилди. Бўлажак тадбирлар режаси ҳам кўриб чиқилди.
Мавзуга оид
14:30 / 05.11.2024
Лукашенко: РФ Беларус орқали Полша, Литва, Латвия ва Украинага ҳужум қилмоқчи эмас
13:10 / 24.10.2024
Лукашенко Мария Колесниковани афв этиш ҳақида ўйлаб кўришга тайёр
19:19 / 23.10.2024
Беларусда президентлик сайлови санаси белгиланди
20:39 / 08.10.2024