Сўнгги ҳафта давомида Тошкентда ҳуқуқни муҳофаза қилувчи идоралар ҳамкорлигида жиноят оламининг ўнлаб вакилларига нисбатан рейдлар ўтказилган. Тармоқларда тарқалган хабарларга кўра, унда ўзини «кўча боллари» сифатида намоён қилишга уринган йигитлар қўлга олинган.
Иллюстратив фото
26 ноябр куни Тошкентдаги «Ҳумо» аренада қозоғистонлик репер Jah Khalib'нинг концертида тартибсизликлар юз берди. Баъзи хабарларга кўра, тартибсизликларда Миллий гвардия ходимларига фаол қаршилик кўрсатилган.
Шундан сўнг, 27 ноябр куни «кўча боллари»га нисбатан рейдлар бошланган.
Kun.uz манбаларига кўра, қўлга олинганлар Ички ишлар вазирлигининг вақтинча сақлаш ҳибсхоналарида қолмоқда. Уларнинг ҳаракатларига тергов якунларига кўра баҳо берилади.
Бундан олдинроқ Миллий гвардия Тошкент шаҳри бўйича бошқармаси бошлиғи Атамурад Аҳмедов ишдан олиниб, унинг ўрнига Мирзаакбар Мадумаров тайинлангани ҳақида хабар берилганди.
