Янгиланган Волга, Tesla’ни қувиб ўтган BYD ва телевизорга айланадиган стол – ҳафта технодайжести
|00:29 / 07.01.202450 6656 мин
Kun.uz якунланаётган ҳафтадаги технология ва илм-фанга оид энг қизиқарли хабарларни жамлади.
Фото: avtopromnews.ruФото: avtopromnews.ru
Янгиланган Волга
Россия саноат ва савдо вазирлиги раҳбари Денис Мантуровнинг маълум қилишича, 2024 йил ўрталаридан Россияда замонавий Волга машинасини ишлаб чиқариш бошланиши режалаштирилган. Автомобил замонавий дизайнга эга бўлади, аммо логотип ўзгаришсиз қолади.
“Барча келишувлар якуний босқичда. Мазкур қарор эълон қилинган кундан, яъни 2023 йил май ойидан буён иш тўхтовсиз давом этмоқда. 2024 йил ўрталаридан Нижний Новгород автомобил кластерида ушбу автомобилни ишлаб чиқариш бошланиши кутилмоқда”, деган Мантуров TACC’га берган интервюсида.
Маълумотларга кўра, ушбу қадимий маркадаги янгиланган автомобиллар Хитой компанияларидан бири иштирокида ишлаб чиқарилиши мумкин.
Фото: avtopromnews.ruФото: avtopromnews.ru
Xiaomi SU7 электромобили
Хитойнинг Xiaomi компанияси ўзининг илк SU7 электромобилини расман тақдим этди.
SU7 беш ўриндиқли седан бўлиб, давлатга тегишли Beijing Automotive (BAIC) билан ҳамкорликда яратилган. Модел номидаги ҳарфлар “Speed Ultra” деган маънони англатади.
Фото: XiaomiФото: XiaomiФото: Xiaomi
Модел иккита версияда ишлаб чиқарилади:
- Xiaomi SU7: 299 от кучига эга битта двигателли, 100 км/соат тезликка 5,28 сонияда эришади, максимал тезлиги 210 км/соат, тўлиқ қувватда 668 км масофани босади.
Мавзуга оид
- Xiaomi SU7 Мах: иккита 673 от кучига эга двигателли, 100 км/соат тезликка 2,78 сонияда эришади, максимал тезлиги 265 км/соат, тўлиқ қувватда 800 км масофани босади.
Тезкор қувватлантириш имконияти бор: 220 км масофани босиб ўтиш учун 5 дақиқа, 510 км учун эса 15 дақиқа кифоя қилади.
Барча электроника HyperOS тизимида ишлайди, у Xiaomi смартфонлари билан интеграциялашган. Салондаги асосий мултимедиа экрани диагонали 16,1 дюйм ва ўлчами 3К. Рул чамбараги орқасида қўшимча 7,1 дюймли дисплей ҳам мавжуд. Орқа ўриндиқдаги йўловчилар учун Xiaomi Pad ва iPad учун қулай ўрнатиш мосламалари мавжуд.
Телевизорга айланадиган стол
Хитойнинг Yummy Technology стартапи 4K сенсорли экран ва Android операцион тизимига эга NXTABL ақлли столини тақдим этди.
Қайд этилишича, 60 Gts янгиланиш тезлигига эга 43 дюймли LCD дисплей билан жиҳозланган қурилма кофе столи дизайнида ишланган. Шу сабабли фойдаланувчилар овқатланиб бўлгач, бемалол уни телевизорга айлантириши мумкин.
NXTABL 8 ГБ тезкор ва 128 ГБ ички хотирага эга. У HDMI, USB-C, USB-A портлари, Wi-Fi 6 вa Bluetooth 5.0’ни қўллаб-қувватлайди. Ўрнатилган Android операцион тизими билан турли хил иловаларни осонгина юклаб олиши мумкин.
Ҳозирда стартапнинг бошланғич нархи 799 долларни ташкил этади, аммо кейинчалик бу нарх яна қимматлашиши мумкин.
iPhone учун антиқа ғилоф
CES кўргазмасида iPhone учун мўлжалланган ва механик QWERTY клавиатураси билан жиҳозланган Clicks ғилофи тақдим этилди. Аксессуар эски BlackBerry смартфонларини соғинадиган ва тугмали телефонларни афзал кўрадиганлар учун яратилган.
Clicks iPhone смартфонига Lightning ёки USB-C орқали уланади. Аксессуар жуда жипс ўрнашади ва клавиатура билан монолит гаджет ҳиссини яратади. У ёритиладиган тугмаларга ва ҳарфларнинг таниш тартибига эга.
iPhone 14 Pro ва 15 Pro учун мўлжалланган ғилоф смартфон узунлигини 188,45 мм (+41,85 мм)га оширади. Умумий вазнига эса 62 грамм қўшилади.
Фото: Instagram / clickskeys
Клавиатурада батарея йўқ, у смартфон батареясидан қувват олади. Махсус улагич iPhone смартфонини аксессуар орқали қувватлантириш имконини ҳам беради.
Тугмага эга бўлиш нафақат қулай ёзиш, балки экран майдонини сезиларли даражада кенгайтириш имконини беради, чунки гаджет аппарат клавиатураси сифатида танилади.
iPhone 14/15 Pro учун мўлжалланган Clicks нархи 139 долларга, iPhone 15 Pro Max учун мўлжалланган модели эса 159 долларга сотилади. Аксессуар кулранг ва сариқ рангларда тақдим этилади. Унга расмий веб-сайт орқали олдиндан буюртма бериш мумкин.
BYD Tesla’ни қувиб ўтди
Американинг Tesla компанияси 2023 йил тўртинчи чорагида сотилган электромобиллар сони бўйича биринчи марта ўзининг рақобатчиси – Хитойнинг BYD автомобилсозлик компаниясига етакчиликни бой берди.
Октябр ва декабр ойлари орасида Tesla бутун дунё бўйлаб 484 507 та электромобил сотди, бу учинчи чоракка нисбатан 11 фоизга кўп. Бироқ, BYD 2023 йилнинг сўнгги уч ойида 526 409 та электромобил сотди ва рақобатчисидан ўзиб кетишга муваффақ бўлди.
Бироқ 2023 йил ҳисобига Tesla электромобил савдоси бўйича етакчиликни сақлаб қолди. АҚШ компанияси мижозларга 1,8 миллион электромобил етказиб берди ва ўз олдига қўйган мақсадидан ошиб кетди. BYD ўтган йили 1,6 миллион электромобил ва яна 1,4 миллион гибрид автомобил сотди.
Бир пайтлар амалга оширилиши фантазия сифатида кўрилган электросамолётлар аккумуляторлар ва бошқа компонентлардаги технологик инновациялар сабабли реалликка айланди. Электросамолётлар парвоз пайтида зарарли чиқиндилар чиқармайди, шунингдек, оддий вертолётлар ва самолётларга қараганда бошқариш ва техник хизмат кўрсатиш осон. Бу уларнинг келажакда янада ривожланишига имкон бериши мумкин.
