Қимматли қоғозлар бозорида мижозларни масофадан туриб рақамли идентификация қилиш бошланади 

Қуйидагиларни назарда тутувчи Қимматли қоғозлар бозорида мижозларнинг масофадан туриб рақамли идентификация қилиш тартиби тўғрисидаги низом тасдиқланади:

• қимматли қоғозлар бозорида мижозларни рақамли идентификация қилиш ва уни қўллаш тартиби;
• инвестиция воситачилари томонидан мижозлар билан шартнома тузиш вақтида уларнинг шахсий маълумотларини олиш мақсадида мижозларни текшириш тизимини амалга ошириш тартиби.

Истиқболли лойиҳалар миллий агентлиги ва Бош прокуратура ҳузуридаги Иқтисодий жиноятларга қарши курашиш департаменти билан биргаликда қимматли қоғозлар бозоридаги профессионал иштирокчилари томонидан қимматли қоғозлар бозорида мижозлар масофадан туриб рақамли идентификация қилиш тартибидан фойдаланиши давомида Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳ талабларидан келиб чиқиб, “Ўз мижозингни бил” ва “Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш” тизимларига мувофиқ қимматли қоғозлар бозорида мижозлар билан шартнома тузиш пайтида мижозларни текшириш тизимини амалга ошириш тартибига риоя қилиниши таъминланади.

Белгиланишича, қимматли қоғозлар бозорида мижозларни рақамли идентификация ёки рақамли аутентификация қилинган мижозлардан электрон инвестиция воситачилик хизматларини кўрсатиш жараёнида қоғоз шаклидаги имзоланган аризаларни олиш талаб қилинмайди.