Шаҳарсозлик соҳасидаги низоларни судга қадар ҳал этиш тартиби эълон қилинди

Қарор лойиҳаси билан шаҳарсозлик соҳасида юзага келадиган низоларни судга қадар идоралараро комиссия ҳал этиши чоралари кўрилади.

Жисмоний ва юридик шахсларнинг шаҳарсозлик соҳасига оид шикоятларини кўриб чиқилади.

Шикоятларни кўриб чиқишда мурожаат этувчиларнинг тенг ҳуқуқлилиги, холислик, қонунийлик, коллегиаллик ва ҳуқуқни қўллаш амалиёти бир хиллиги принципларига қатъий риоя қилинади.

Қарор жисмоний ва юридик шахсларнинг шаҳарсозлик соҳасидаги низоларни судга қадар ҳал этиш тўғрисидаги ариза ва шикоятларини кўриб чиқиш бўйича идоралараро комиссия иш тартибини белгилайди.

У жисмоний ва юридик шахсларнинг шаҳарсозлик соҳасидаги аризалари ва шикоятларини низом ва қонунчилик ҳужжатлари талабларига мувофиқ кўриб чиқади. Шаҳарсозлик соҳасида юзага келадиган низоларни судгача ҳал қилиш чораларини кўради.

Жисмоний ва юридик шахсларнинг шаҳарсозлик соҳасидаги низоларни судга қадар ҳал этиш тўғрисидаги ариза ва шикоятлари комиссия томонидан кўриб чиқилиши учун тўловлар ундирилмайди.