Ўзбекистоннинг Қатардаги элчиси иш бошлади

Ашраф Хўжаев Ўзбекистоннинг Қатардаги биринчи элчиси этиб тайинланди. Бунгача у ТИВ Иқтисодий дипломатия департаменти директори лавозимларида ишлаб келган.

Фото: Дунё АА

Бугун 2024 йил 11 феврал куни Ўзбекистоннинг янги тайинланган фавқулодда ва мухтор элчиси Ашраф Хўжаев Қатар пойтахтига ташриф буюрган. Бу ҳақда “Дунё” ахборот агентлиги хабар бермоқда.

43 ёшли дипломат Тошкент давлат шарқшунослик институти, Ўзбекистон Миллий университети, Пекин университетини тамомлаган. Иқтисодиёт фанлари номзоди (PhD) илмий даражасига эга.

А.Хўжаев ТИВ тизимидаги фаолиятини 2005 йилда референт сифатида бошлаган. Ўтган йиллар давомда у вазирлик марказий аппаратида, шунингдек, Ню-Йорк шаҳридаги Ўзбекистоннинг БМТдаги доимий ваколатхонасида ва Буюк Британиядаги элчихонада турли лавозимларда ишлаган.

2018 йилдан ТИВ Иқтисодий дипломатия департаменти бошқарма, бош бошқарма бошлиғи ва директори лавозимларида ишлаб келган.

Ашраф Ходжаев Ўзбекистоннинг Қатардаги биринчи элчиси ҳисобланади. 2023 йил май ойида Тошкентда Қатар элчихонаси, 2023 йил декабрда эса Доҳада Ўзбекистон элчихонаси очилган эди.

#Қатар #Ашраф Хўжаев