Қўшимча функционаллар
-
Тунги кўриниш
Tashkent Index'да автотураргоҳларнинг том қисми машиналар устига қулагани айтилмоқда
Автотураргоҳларнинг енгил конструкцияли том қисми кеча ёғган қорни кўтаролмай қулагани тахмин қилинмоқда.
Фото: Видеодан кадр
Ижтимоий тармоқларда Тошкентдаги Tashkent Index бозорида автотураргоҳларнинг том қисми машиналар устига қулагани тасвирланган видеолар тарқалди.
Видеоларда автотураргоҳларнинг енгил конструкцияли устунлари ва том қисми кеча ёғиб ўтган қорнинг оғирлигини кўтара олмай қулаши натижасида ўнлаб автомобилларга шикаст етгани кўринади.
Том остида қолиб шикастланган импорт машиналарда авторақамларнинг йўқлиги улар сотиш мақсадида бу ерга олиб келиб қўйилганидан дарак беради.
Тошкент шаҳар ҳокимлиги ахборот хизмати ҳодиса ҳақида маълумот йўқлигини, Tashkent Index'дан изоҳ олиш лозимлигини билдирди.
Kun.uz ҳодиса юзасидан изоҳ олиш учун Tashkent Index'нинг Telegram-каналида кўрсатилган рақамига қўнғироқ қилди. Бироқ рақам ишламаяпти.
Аввалроқ, бир неча марта Сергели туманида жойлашган машина бозори Tashkent Index'га кўчирилиши ҳақида гап-сўзлар тарқаган. Бироқ Сергели машина бозори раҳбарияти бундай топшириқ бўлмаганини айтиб чиққанди.
Мавзуга оид
18:57 / 05.02.2026
Ёнғин вақтида асосий эшикка эмас, эвакуацион чиқиш зинасига йўналиш керак – фавқулодда вазиятларда қандай ҳаракатланиш лозим?
09:34 / 05.02.2026
Тошкентда ёнғин хавфсизлиги талабларига жавоб бермаган объектлар фаолияти тўхтатилмоқда
09:18 / 04.02.2026
“Юзимни бузиб қўйишди” – Тошкентда сохта косметологлар жиноий жазога тортилди
21:31 / 02.02.2026