Ўзбекистонда қарийб 500 минг тиббиёт ходимининг рақамли технологиялар бўйича малакаси оширилади

Ўзбекистонда 475 минг нафар тиббиёт ходимларининг рақамли технологиялар бўйича малакасини ошириш режалаштирилмоқда.

Фото: Соғлиқни сақлаш вазирлиги

«Аҳоли саломатлиги-2030» миллий стратегиясининг 2024-2026 йилларга мўлжалланган амалий тадбирлар режасига кўра, ахборот тизимларидан фойдаланиш ҳамда компютер саводхонлиги бўйича ўқитиш дастурларини ишлаб чиқиш мўлжалланмоқда.

Қайд этилишича, бу борада ҳудудлар кесимида режа-жадвал ишлаб чиқиб тасдиқланади.

Режа асосида ўқитиш ишларини ташкил этиш ҳам кўзда тутилмоқда.

Шунингдек, рақамли технологиялар бўйича соҳа ходимларининг малакаси қуйидагича оширилади:

- 2024 йилда 65 минг;
- 2025 йилда 75 минг;
- 2026 йилда 80 минг нафар.