Ўзбек пазандачилик санъати музейи ташкил этилади

Қуйидагилар Ўзбекистоннинг гастрономик туризм салоҳияти ва миллий пазандачилик санъатини оммалаштиришнинг устувор йўналишлари этиб белгиланади:

• Ўзбекистоннинг гастрономик туризм салоҳиятини кенг тарғиб этиш орқали мамлакатга ташриф буюраётган сайёҳлар оқимини ошириш;
• миллий пазандачиликни саньат даражасига кўтариш ва “Ўзбек миллий таомлари брендини” яратиш;
• гастрономик туризм йўналишда хизматлар кўрсатиш сифатини янада такомиллаштириш.

Туризм қўмитаси, Савдо-саноат палатаси ва Ўзбекистон Ошпазлар уюшмасининг уюшма ҳузурида Халқаро ўзбек пазандачилик санъати маркази ҳамда Ўзбек пазандачилик санъати музейини ташкил этиш тўғрисидаги таклифларига розилик берилади.

Уюшмага қуйидаги қўшимча вазифалар юкланади:

• гастрономик туризмни янада оммалаштириш ва халқаро даражадаги ошпазларни тайёрлаш ишларини ташкил этиш;
• замонавий талабларга мувофиқ соҳада ошпазлар, пазандалар, қандолатчилар, официантлар ва бошқа мутахассисларини тайёрлаш, уларнинг касбий малакаларини ошириш ва қайта тайёрлаш ишларини тизимли равишда ташкил этиш;
• умумий овқатланиш тармоғини ривожлантириш дастурларини ишлаб чиқиш ва амалга ошириш;
• халқаро кўргазмаларида қатнашиш орқали ўзбек пазандачилиги санъатини тарғиб қилиш ва ижобий нуфузини ошириш;
• республикада, шу жумладан ҳудудларда умумий овқатланишни ташкил этишга оид танловлар, кўргазмалар, фестиваллар ва махсус кунлар, маданий-маърифий тадбирлар ташкил этиш;
• соҳани рақамлаштириш ва ахборот хизматларини ташкил этиш, махсус нашрлар, китоблар, журналлар ва буклетлар, электрон нашрларни тайёрлаш ва шу жумладан хорижий мамлакатларда тарқатиш, шунингдек оммавий ахборот воситаларида фаол ёритиш;
• умумий овқатланиш корхоналар фаолиятига ва тараққиётига тўсиқ бўлаётган муаммоларни аниқлаш, таҳлил қилиш, уларни бартараф қилиш бўйича ваколатли давлат органларига таклифлар тайёрлаш ҳамда ўз ваколати доирасида тадбирларни амалга ошириш;
• умумий овқатланиш соҳасида илмий салоҳиятга эга олий таълим муассасалари билан ҳамкорликда илмий-тадқиқот ишларини олиб бориш;
• халқаро миқёсда ўтказиладиган соҳасига доир барча анжуманлар, симпозиумлар, конгресслар, кўрик-танловлар, фестивалларда ўз аъзолари иштирок этишини таъминлаш.