2024 йилнинг 27 феврал куни Kia’нинг Ўзбекистондаги расмий дистрибютори бўлган ADM Global компаниялар гуруҳи янги ўрта ўлчамли Kia Sorento кроссоверининг Ўзбекистон бозорида сотувлари бошлангани ҳақида эълон қилди.
Янги Kia Sorento Ўзбекистонда тўлиқ приводли тизимига эга тўрт комплектацияларда таклиф этилади. Автомобилнинг нархи версияга қараб 586 900 000 дан 724 900 000 сўмгача оралиқда фарқланади.
Янги дизайн, илғор технологиялар ва кенгайтирилган хавфсизлик функциялари Kia Sorento моделини янада рақобатбардош ва жозибадорга айлантиради. У шаҳар ичра юришга ҳам, катта оила ёки компания билан табиат қўйнига саёҳатлар учун ҳам мос келади.
Kia’нинг сўнгги моделларининг дизайни “Қарама-қаршиликлар уйғунлиги” концепциясига мувофиқ бўлиб, автомобилларнинг жиҳозланиши уларнинг ҳашами ва юқори технологиклигини таъкидлаш учун мўлжалланган. Ҳимояловчи қопламага эга олд бампер автомобилнинг йўлтанламас имкониятларини таъкидлайди, орқа бампер ҳам янгиланган бўлиб, янги қоплама панелга эга бўлди. “Юлдузлар харитаси” стилидаги орқа чироқлар ҳам янгиланган дизайнга мос. Комплектациясига кўра, янги дизайнда ишланган 18 ва 19 дюймли ғилдирак дисклари таклиф этилади.
Экстерьердаги янгиланишлар туфайли Sorento’нинг габарит узунлиги 5 мм га ошди ва ҳозирда 4 815 мм га тенг. Габарит кенглиги ва баландлиги ўзгаришларсиз қолди – яъни 1900 ва 1695 мм. Автомобилнинг ғилдирак базаси - 2815 мм, йўл сатҳдан баландлиги 176 мм га тенг.
12 дюймли дисплей ва қайрилган экранли янги интеръер юқори технологиялик стилини яратади ва салоннинг майдонини кенгайтиради. Марказий консол энди бир тугмани босиш орқали мультимедия ва микроиқлимни бошқариш имкониятига эга. Шамоллатиш тизимининг диффузерлари, шунингдек, салоннинг кенглиги визуал эффектини янада ошириш учун мўлжалланга.
