Янги Seltos — дадил инновациялар ва мукаммалликка бўлган тинимсиз интилиш тимсоли. Ўзбекистон бозори учун 200 от кучи қувватига эга 1,5 литрли турбокомпрессорли бензин двигатели ва тўлиқ юритма тизими билан жиҳозланган версия таклиф этилади. Унда классик йўлтанламаснинг шиддатли дизайни нафис интерьер билан уйғунлашган. Модель жиҳозлари қаторига панорамали том, проекцион дисплей ҳамда интуитив тушунарли интерфейсга эга 27 дюймли кенг панорамали мультимедиа дисплейи киради.
Бу Kia учун стратегик жиҳатдан муҳим SUV сегментидаги ихчам кроссовернинг иккинчи авлодидир. Унинг ташқи кўринишида бренднинг йирик йўлтанламасларига хос жиҳатлар янада яққол намоён бўлган: кенг радиатор панжараси, брендга хос Star Map ёруғлик графикаси ва кузовнинг аниқ чизиқлари ишончли ҳамда юқори технологик қиёфа яратади. Яширин эшик тутқичлари автомобилнинг ташқи кўринишини янада соддалаштиради, спойлер ва устунларнинг контрастли элементлари эса муаллақ том эффектини таъкидлайди. Горизонтал ва вертикал чизиқларни бирлаштирган орқа чироқлар автомобилни кўзга янада кенгроқ кўрсатади.
Қулайлик ҳаракатланиш жараёнида ҳам сезилади: такомиллаштирилган шовқин изоляцияси сафарларни янада сокин қилади, кузовнинг юқори бикрлиги ва осма тизимининг такомиллаштирилган созламалари эса ҳаракат равонлигини оширади. Ғилдирак базасининг 2 690 ммгача узайтирилгани туфайли салон янада кенг бўлди.
Автомобил шаҳар кўчаларида ҳам, шаҳар ташқарисида ҳам янада барқарор ва олдиндан башорат қилиш мумкин бўлган ҳаракат хусусиятларини намоён этади. Юқори бикрликка эга кузов конструкцияси ва эргономик хавфсизлик ёстиқчалари тизими тўқнашув пайтида ҳайдовчи ва йўловчиларни ҳимоя қилишга ёрдам беради. Ҳайдовчига ёрдам берувчи илғор тизимларнинг тўлиқ тўплами (ADAS) рул бошқарувида ишончни оширади.
Янги Kia Seltos учун ишлаб чиқарувчининг кафолати беш йил ёки 150 000 км юриш масофасини ташкил этади — қайси бири аввалроқ юзага келишидан қатъи назар. Кафолат амал қилиши учун кафолатли хизмат кўрсатиш шартларига риоя қилиш лозим.
