Ўзбекистон ташқи ишлар вазири Бахтиёр Саидов АҚШ элчиси Жонатан Хеник билан учрашув ўтказди.
«Ташқи ишлар вазирлигида АҚШнинг мамлакатимиздаги Элчиси Жонатан Хеник жаноблари билан учрашдик», – деб ёзди Ўзбекистон ТИВ раҳбари ўзининг Telegram-каналида.
Икки томонлама муносабатларнинг муҳим мавзулари ва қўшма тадбирлар жадвали муҳокама қилинди.
«Ўзбекистон ва АҚШ ўртасидаги 2024 йилга мўлжалланган ҳамкорлик кун тартиби жуда кенг қамровли ва жадалдир», - дейди Бахтиёр Саидов.
