Қўшимча функционаллар
-
Тунги кўриниш
Ўзбекистонда аҳолини рўйхатга олиш 2025–2026-йилларга мўлжалланмоқда – президент қарори
Аҳолини рўйхатга олиш ишларининг натижалари 2026–2027-йилларда эълон қилиниши режалаштирилган.
Фото: Kun.uz
2025−2026-йилларда Ўзбекистонда аҳолини рўйхатга олиш ишлари ўтказилиши режалаштирилмоқда. Бу ҳақда 2024 йил 4 март куни президент имзолаган қарор иловасида белгилаб қўйилган.
Президент қарори билан тасдиқланган расмий статистика соҳасида ислоҳотларни чуқурлаштириш бўйича йўл харитасида Президент ҳузуридаги Статистика агентлигига 2025−2026-йилларда аҳолини рўйхатга олиш ишларини ташкил этиш вазифаси юклатилган.
Йўл харитасида 2024 йил давомида агентлик аҳолини рўйхатга олишни ўтказишга тайёргарлик кўриш ишларини давом эттириши белгиланган.
Жумладан:
- аҳолини рўйхатга олишни аҳолининг кенг оммасига тушунтириш бўйича тарғибот-ташвиқот ишларида фойдаланиш учун видеоролик, баннер, флаер ва буклетлар тайёрлаш;
- 2021 йилда ўтказилган синов натижалари ва халқаро экспертларнинг тавсиялари асосида аҳолини рўйхатга олиш саволномалари шаклларини такомиллаштириш;
- халқаро тажриба ва экспертлар тавсиялари асосида «Аҳолини рўйхатга олиш» ахборот тизимини такомиллаштириш;
- «STATA» амалий дастурий пакети лицензиясини харид қилиш ва унда рўйхатга олиш натижаларининг чиқувчи жадваллари намуналарини шакллантириш;
- аҳолини рўйхатга олишнинг ташкилий режасини ишлаб чиқиш вазифаларини амалга ошириш белгиланган.
Аҳолини рўйхатга олиш эса 2025−2026-йилларда ўтказилиши, натижалар 2026−2027-йилларда тайёрланиши ва эълон қилиниши белгиланган.
Ўзбекистонда аҳолини рўйхатга олиш умуммиллий тадбири 2022 йилда ўтказилиши керак эди. Хусусан, 2019 йил 5 февралда «Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида»ги президент фармони, 2020 йил 16 мартда «Аҳолини рўйхатга олиш тўғрисида»ги қонун қабул қилинганди.
Кейинчалик коронавирус пандемияси туфайли мазкур тадбирни ўтказиш муддати узайтирилди. Вазирлар Маҳкамасининг 2020 йил 11 ноябрдаги «Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида»ги қарорига кўра, республикада аҳолини рўйхатга олиш ишлари 2023 йилнинг 1-25 ноябрида ўтказилиши белгиланганди. Бироқ бу тадбир 2023 йилда ҳам амалга оширилмади.
Маълумот учун, Ўзбекистонда сўнгги марта аҳолини рўйхатга олиш ишлари собиқ иттифоқ даврида, 1989 йилда ўтказилган.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Сўнгги янгиликлар
-
OpenAI компанияси ўз ижтимоий тармоғини яратиш устида иш олиб бормоқда
Фан-техника | 00:30
-
АҚШ икки ой ичида Суриядаги қўшинларини босқичма-босқич олиб чиқишни бошлайди
Жаҳон | 00:07
-
Ташқи ишлар вазирлиги хориждаги Ўзбекистон фуқароларини доимо ҳимоя қилиб келган — ТИВ вакили
Ўзбекистон | 23:31 / 15.04.2025
-
Google делфинлар билан мулоқот қилиш имконини берувчи технологияни ишлаб чиқди
Фан-техника | 23:21 / 15.04.2025
Мавзуга оид
14:48 / 14.04.2025
Ўзбекистонда доимий аҳоли сони ҳар куни қанчага ошаётгани айтилди
00:32 / 12.04.2025
Россияда туғилиш даражаси сўнгги 200 йилдаги энг паст кўрсаткичга тушиб кетди
13:34 / 11.04.2025
Ўзбекистонда доимий аҳолининг неча фоизи меҳнатга лаёқатли?
15:29 / 05.04.2025
Ўзбекистоннинг доимий аҳолиси сони 2 фоизга кўпайди
