13:55 / 09.04.2024
2956

Икки ҳудудда валюта қимматликлари ноқонуний муомалага киритилиши олди олинди

Сирдарё ва Навоий вилоятларида валюта қимматликлари ноқонуний муомалага киритилишининг олди олинди, деб хабар беради Бош прокуратура ҳузуридаги департамент.

Фото: Бош прокуратура ҳузуридаги департамент

Бош прокуратура ҳузуридаги департамент ҳамда ДХХнинг Сирдарё вилояти бошқармалари томонидан Сирдарё туманида тезкор тадбир ўтказилди.

Унда, валюта айирбошлаш билан шуғулланиб келган Н.Т. (муқаддам  судланган) жами 4 000 АҚШ долларини фуқаро А.А.га 50,8 млн сўмга сотган вақтида ашёвий далиллар билан ушланган.

Худди шундай, департаментнинг Навоий вилоят бошқармаси томонидан Навоий шаҳрида тезкор тадбир ўтказилди.

Унда, валюта айирбошлаш билан шуғулланиб келган А.У. ва А.Н. жами 3 000 АҚШ долларини фуқаро Ф.Н.га 38,1 сўмга сотган вақтларида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

Top