17 та турдаги хулосалар ДХМ ва ЯИДХП орқали берилади

Вазирлар Маҳкамасининг “Хулоса бериш бўйича давлат хизматларини кўрсатиш тизимини янада такомиллаштириш тўғрисида”ги қарори қабул қилинди.

Фото: Kun.uz

Ҳужжат билан Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламенти тасдиқланди.

Шунингдек, 17 та турдаги хулосаларни бериш бўйича паспортлар тасдиқланмоқда, улар қаторида қуйидагилар бор:

магистрал газ қувурлари, нефт қувурлари ва нефт маҳсулотлари қувурларини қуриш, улардан фойдаланиш ҳамда уларни таъмирлашда саноат хавфсизлиги талабларига мувофиқлиги тўғрисида;
бино (иншоот) ва хоналарнинг ёнғин хавфсизлиги талабларига мувофиқлиги тўғрисида;
дори воситалари ва биологик фаол қўшимчаларни телерадиоканаллар орқали реклама қилиш бўйича ва бошқалар.

2024 йил 1 майдан хулосалар давлат хизматлари марказлари ва ЯИДХП орқали берилади.

Тақдим этилган хулосалар рўйхати “Лицензия” ахборот тизимида юритилади.

#ЯИДХП #давлат хизматлари #ДХМ