Қум-шағал аралашмасини ноқонуний қазиб олганлар давлатга қарийб 450 млн сўм зарар етказди

МЧЖ масъул шахслари 9,3 минг куб ҳажмдаги қум-шағал аралашмасини ўзбошимчалик билан қазиб олиб, давлат ва жамият манфаатларига 448,9 млн сўм зарар етказган.

Фото: Прокуратура департаменти

Самарқанд туманида қум-шағал аралашмасини ўзбошимчалик билан қазиб олиш ҳолати аниқланди.

Прокуратура департаменти хабарига кўра, Бош прокуратура ҳузуридаги департаментнинг Самарқанд туман бўлими томонидан терговга қадар текширув ўтказилган.

“Х.Г.” МЧЖ масъул шахслари 9,3 минг куб ҳажмдаги қум-шағал аралашмасини ўзбошимчалик билан қазиб олиб, давлат ва жамият манфаатларига 448,9 млн сўм зарар етказган.

Мазкур ҳолат юзасидан Жиноят кодексининг 192-11-моддаси (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.

Муаллиф: Отабек Матназаров

#Самарқанд #қум-шағал