АҚШда довуллар мавсуми жуда эрта бошланди. Олимлар вазият янада оғирлашиши мумкинлигини айтмоқда

8 июл куни «Берил» довули Техас штати соҳилларига етиб келган. У Қўшма Штатларга Саффир-Симпсон шкаласи бўйича биринчи даражали тўфон сифатида етиб келди. Бунгача «Берил» Кариб ҳавзасидан ороллар, жумладан Ямайка орқали ўтган ва бу йилдаги илк энг юқори, бешинчи даражали довулга айланганди. Одатда кучли довуллар бу минтақада йилнинг кечроқ даврида юзага келади. Олимлар бу ҳолатни глобал исиш билан боғламоқда. «Мавсум бошидаги бундай фаоллик, катта эҳтимол билан, мавсумнинг нотинч кечадиган пик даври яқинлашаётгани белгиси саналади», — деган CNN мухбирига Колорадо университетининг довуллар бўйича мутахассиси Фил Клоцбаҳ.