Хориждаги ватандошларни қўллаб-қувватлаш тўғрисидаги қонун лойиҳаси эълон қилинди
Хориждаги ватандошларга кўмаклашиш, уларни қўллаб-қувватлаш ҳамда ҳуқуқлари ва қонуний манфаатларини ҳимоя қилиш соҳасидаги муносабатларни тартибга солиш назарда тутилмоқда.
![](https://storage.kun.uz/source/10/tOpF9EHhjIDqDf2_DZGbhZLYshsvb76k.jpg)
Фото: Nova
Ўзбекистон Республикасининг “Хориждаги ватандошларни қўллаб-қувватлаш тўғрисида”ги қонуни лойиҳаси жамоатчилик муҳокамаси учун эълон қилинди.
Лойиҳада Ўзбекистон томонидан хориждаги ватандошларга кўмаклашиш, уларни қўллаб-қувватлаш ҳамда уларнинг ҳуқуқлари ва қонуний манфаатларини ҳимоя қилиш соҳасидаги муносабатларни тартибга солиш назарда тутилмоқда.
Лойиҳада хориждаги ватандошларни қўллаб-қувватлашнинг асосий мақсадлари, асосий йўналишлари, рағбатлантириш усуллари белгиланмоқда.
Жумладан, Ўзбекистоннинг хориждаги ватандошларни қўллаб-қувватлашнинг асосий мақсадлари қуйидагилардан иборат:
- халқаро ҳуқуқнинг умумэътироф этилган принциплари ва нормалари, истиқомат қилаётган мамлакатнинг қонунлари ва Ўзбекистон халқаро шартномалари асосида чет эллардаги ватандошларнинг ҳуқуқ ва эркинликларини ҳимоя қилишда ёрдам кўрсатиш;
- Ўзбекистон маданий, илмий ва маънавий меросини кенг тарғиб қилиш, уни дунёда ўрганиш ва оммалаштириш, истиқомат қилаётган мамлакатларида ўзбек тилини, маданиятини ва анъаналарини сақлаб қолиш ва ривожлантиришга қаратилган ватандошларимизнинг фаолиятини қўллаб-қувватлаш, уларнинг Ўзбекистонда таълим олиш имкониятларини кенгайтириш;
- Ўзбекистон ижтимоий-иқтисодий тараққиётига ва унинг хорижий мамлакатлар билан ўзаро манфаатли ва дўстона муносабатларини ривожлантиришга ўз ҳиссасини қўшишни истаган ватандошлар ва улар томонидан тузилган ташкилотлар билан алоқаларни ривожлантириш ва мустаҳкамлаш;
- Ўзбекистон ҳудудида ватандошларнинг касбий, шу жумладан, тадбиркорлик, сармоядорлик, илмий, маърифий ва маданий фаолиятини амалга ошириши учун қулай ҳуқуқий, ижтимоий ва иқтисодий шарт-шароитлар яратиш;
- Ўзбекистонда амалга оширилаётган ижтимоий-иқтисодий ва ижтимоий-сиёсий ислоҳотларни қўллаб-қувватлаш, шунингдек, Ўзбекистон халқаро обрў-эътиборини янада мустаҳкамлашга ватандошлар салоҳиятини жалб қилиш.
Ўзбекистон маданият, илм-фан, таълим ва ахборот соҳаларида ҳамда иқтисодий соҳада хориждаги ватандошлар ва уларнинг ташкилотларини қўллаб-қувватлайди, улар билан ҳамкорликда Ўзбекистоннинг бошқа хорижий мамлакатлар билан дўстона алоқаларини мустаҳкамлашга йўналтирилган тадбирларни ташкил қилади.
Таклиф этилаётган лойиҳанинг қабул қилиниши натижасида хориждаги ватандошларни қўллаб-қувватлаш соҳасидаги муносабатлар тартибга солинади.
Хориждаги ватандошларни қўллаб-қувватлашнинг асосий мақсадлари, асосий йўналишлари, рағбатлантириш усуллари белгиланади. Хорижда яшаётган ватандошлар билан алоқаларни сақлаб қолиш ҳамда ривожлантиришга эришилади.
Мавзуга оид
![](https://storage.kun.uz/source/thumbnails/_medium/10/qS_xHhnwRsGqdFBeZLSHlWh0eI3-CNl6_medium.jpg)
13:34 / 27.08.2024
Парламентда рақамли далиллар тўғрисидаги қонун қабул қилинди
![](https://storage.kun.uz/source/thumbnails/_medium/10/odkEQ0Cvz84n27n7Pge9TOLJatgVo9um_medium.jpg)
16:02 / 17.08.2024
Ўзбекистон болалари тақдирида муҳим қонун: болани уриш, таҳқирлаш, тиланчиликка жалб этиш жазоланишга сабаб бўлади
![](https://storage.kun.uz/source/thumbnails/_medium/10/uXAmkoMG91Eu9j-rmU0sYsickxuf0BUf_medium.jpg)
20:44 / 16.08.2024
“Бу мамлакат болалари тақдири учун муҳим қонун бўлади” – болалар омбудсмани Сурайё Раҳмонова
![](https://storage.kun.uz/source/thumbnails/_medium/10/NLpPgx0i8Fi5y6mciz_JTd4E3XFUMthd_medium.jpeg)
09:29 / 24.07.2024