«МЮ» Эрик тен Ҳагни истеъфога чиқарди

«Манчестер Юнайтед» клуби жамоа устози Эрик тен Ҳагни истеъфога чиқарганини расман эълон қилди.

Фото: Getty images

Клуб расмий сайти хабарига кўра, жамоани вақтинчалик Рууд ван Нистелрой бошқаради. У бунгача Эрик тен Ҳагнинг ёрдамчиси сифатида фаолият юритаётган эди. Нидерландиялик мутахассис қониқарсиз натижалар учун лавозимидан озод этилган.

«МЮ» якшанба куни «Вест Ҳэм»га мағлубиятга (1:2) учраб, АПЛ турнир жадвалида 14-ўринда бормоқда.

Маълумот учун, Тен Ҳаг 2022 йилнинг апрел ойида «МЮ» бош мураббийига айланганди. Унинг қўл остида жамоа 2022/23 йилги мавсумда Англия лига кубогини қўлга киритган бўлса, 2023/24 йилги мавсумда Англия кубоги соҳибига айланганди.