Мирзиёев биринчи президент мақбарасини зиёрат қилди

Ҳазрати Ҳизр мажмуасида Ислом Каримов хотирасига Қуръон оятлари тиловат этилиб, дуо ўқилди.

Фото: Президент матбуот хизмати

Шавкат Мирзиёев Самарқанд шаҳрига ташрифи якунида Ҳазрати Ҳизр мажмуасида бўлиб, биринчи президент Ислом Каримов мақбарасини зиёрат қилди.

Қуръон оятлари тиловат этилиб, дуо ўқилди.

Қайд қилинишича, марҳумларнинг яхшиликларини эслаш, қабристонларни ободонлаштириш халқимизнинг эзгу қадриятларидан. Ушбу мақбара ҳам Мирзиёев бошчилигида қурдирилган, азиз зиёратгоҳга айлантирилган. Муборак Рамазон ойида бундай эзгу амаллар барча жойларда ёрқин намоён бўлмоқда.