АҚШ Давлат котиби Марко Рубио ижтимоий тармоқдаги саҳифасида эълон қилган видеосида Самарқанд шаҳрининг глобал савдо чорраҳаси сифатидаги тарихий ўрни қайта тикланаётганини таъкидлади.
У Вашингтон бутун дунё бўйлаб шериклик алоқаларини кенгайтираётгани, бу жараёнда Ўзбекистон муҳим ўрин тутишини билдириб, Американинг юзлаб компаниялари бу ерга аниқ келишувлар ва узоқ муддатли ҳамкорлик учун келганини қайд этди:
«Ер юзида Самарқанд каби тарихан глобал савдода муҳим рол ўйнаган жойлар камдан кам учрайди. Бугун бу ерда бўлиб, нафақат тарихни ёдга олиш, балки келажак учун имкониятлар ҳақида фикр юритиш мен учун шарафдир».
Марко Рубионинг таъкидлашича, АҚШ савдо, илм-фан ва технология соҳаларида улкан имкониятларни кўрмоқда.
Few places on Earth have historically played such an important role in global trade and commerce as Samarkand. It’s an honor to be here today — not just to remember the history, but the opportunities for the future. https://t.co/SymeQhOUag
— Secretary Marco Rubio (@SecRubio) October 19, 2026
Аввалроқ у ташриф якунлари бўйича миллиардлаб долларлик келишувлар имзоланиши кутилаётганини айтиб ўтганди. У АҚШ Ўзбекистон ва минтақа давлатлари билан савдо-иқтисодий ҳамкорликни янада кенгайтиришдан манфаатдор эканини таъкидлаган.
