Ўзбекистон яна нетто газ экспортчисига айланди
Жорий йилнинг дастлабки икки ойида Ўзбекистон 42 млн долларлик газ экспорт қилиб, 35,8 млн долларлик газ импорт қилди. Мамлакатда газ қазиб олиш йилдан йилга камайиб, тақчиллик ошиб бораётган бир вақтда, экспортнинг кўпайиши саволли масала бўлиб қоляпти.

Фото: AP
2025 йилнинг январ-феврал ойларида Ўзбекистон 42 млн долларлик газ экспорт қилди. Бу ўтган йилнинг мос давридаги кўрсаткичга (26,7 млн доллар) нисбатан 57,3 фоизга кўп. Бу ҳақда Статистика қўмитаси ҳисоботида келтирилган.
Биргина феврал ойида 20,2 млн долларлик газ сотилган бўлиб, бу ўтган йилнинг февралига нисбатан 14,5 млн долларга ёки 3,54 баробарга кўп.
Ўз навбатида, мазкур даврда газ импорти 35,8 млн долларни ташкил этган. Хусусан, феврал ойида газ сотиб олиш 8 млн долларгача (16,4 баробар) қисқарган. Йил бошидан бери газ импорти 6 баробарга (166,7 млн доллардан 35,8 млн долларга) камайган.
Маълумот учун, феврал ойида Ўзбекистонда газ қазиб олиш 208,8 млн куб метрга камайиб, 3 млрд 501,5 млн куб метргача қисқарган. Йил бошидан бери умумқисқариш 4,2 фоиз бўлган.
Эслатиб ўтамиз, Ўзбекистон 2024 йил давомида Россия ва Туркманистондан 1,7 млрд долларлик газ сотиб олди. Бу – 2023 йилга нисбатан 2,4 баробарга, 2022 йилга нисбатан 6 баробарга кўп. Ўз навбатида, газ экспорти қиймат жиҳатдан 18 фоизга ошиб, 628 млн долларга етди. Табиий газ қанча нархда импорт ва экспорт қилинаётгани “тижорий сир” сифатида очиқланмай келади.
Бундан беш йил олдин, расмийлар 2025 йил 1 январдан Ўзбекистон табиий газ экспортини тўхтатиши мумкинлигини айтганди.
Тавсия этамиз
Қатиқ, мураббо ва ядро қуроли. Путин янги филмда нималар деди?
Жаҳон | 21:59 / 06.05.2025
Автомобил импортига экосертификат – утилизацияга қўшимча “бонус”ми?
Ўзбекистон | 20:34 / 06.05.2025
Исроил Сурияни бомбалади. Туркия нега сукутда?
Жаҳон | 12:44 / 06.05.2025
Май ойида водийда меъёрга яқин ҳарорат кутилади, мамлакатнинг катта қисмида ой худди июн каби ўтади
Ўзбекистон | 11:17 / 06.05.2025
Сўнгги янгиликлар
-
Россия ва Ўзбекистон ҳарбий соҳада стратегик шериклик режасини имзолади
Жаҳон | 17:15
-
Украина Москвадаги парадда раҳбарлари иштирок этган давлатларга демарш эълон қилди
Жаҳон | 16:43
-
«Космос-482» Ҳинд океанига қулади — «Роскосмос»
Жаҳон | 16:26
-
АҚШ тўрт нафар ўзбекистонликни депортация қилиш учун ҳибсга олди
Жаҳон | 16:18
Мавзуга оид

13:37 / 07.05.2025
Европа комиссияси Россия газидан воз кечиш режасини тақдим этди

13:48 / 06.05.2025
Европа Иттифоқи 2027 йил охирида Россиядан барча газ импортини тақиқламоқчи

15:20 / 01.05.2025
Газ қуйиш шохобчаларида метан нархи 5200 сўмгача қимматлашди

11:55 / 28.04.2025