Қўшимча функционаллар
-
Тунги кўриниш
Шаҳрисабз аэропорти фаолиятини тиклади
Аэропортни таъмирлаш ишлари якунланди, учиш-қўниш йўлаги сирти мустаҳкамланиб, янги асфальт билан алмаштирилди.
26 март куни Шаҳрисабз аэропорти икки ҳафталик танаффусдан сўнг самолётларни қабул қилишни бошлади. Бу ҳақда Uzbekistan Airports хабар берди.
Қайд қилинишича, ҳаво қатновини Silk Avia компанияси рейси очди. Самолёт маҳаллий вақт билан соат 11:17 да Шаҳрисабз аэропортига қўнди.
13 март куни Шаҳрисабз аэропорти учиш-қўниш йўлагида капитал таъмирлаш ишлари олиб борилаётгани муносабати билан фаолиятини вақтинча тўхтатган эди. Узоқ муддатли фойдаланишдан кейин учиш-қўниш йўлаги сирти мустаҳкамланиб, янги асфальт билан алмаштирилди.
Таъкидланишича, юриш йўлагини таъмирлаш ҳам яқин вақт ичида якунланади, бу эса парвозлар қулайлиги ва хавфсизлигини оширади.
Мавзуга оид
09:35
Қашқадарёда давлат меҳнат ҳуқуқ инспектори фирибгарликда ушланди
23:02 / 03.07.2026
“Ўлганнинг устига тепган”: Қашқадарёда ўнлаб фуқаронинг кредитга олинган машиналари ғойиб бўлди
22:01 / 13.06.2026
Қашқадарёда қум-шағал аралашмасини ноқонуний қазиб олиш ҳолатлари фош этилди
15:20 / 13.06.2026