TikTok эгаси Хитойнинг энг бой одамлари рейтингида биринчи ўринни эгаллади

ByteDance компаниясининг асосчиси 41 ёшли Чжан Иминнинг бойлиги 57,5 млрд долларга баҳоланмоқда.

Фото: Bloomberg

TikTok сервисига эгалик қилувчи ByteDance компаниясининг асосчиси 41 ёшли Чжан Имин Хитойнинг энг бой одамлари рейтингида биринчи ўринни эгаллади. Bloomberg миллиардерлар индекси бизнесменнинг бойлигини 57,5 миллиард долларга баҳолаган.

Рейтингда иккинчи поғона 56,6 миллиард доллар билан Tencent телекоммуникация компанияси асосчиси Ма Хуатенга насиб этган. Tencent Хитойдаги энг машҳур мессенжер — 1,3 миллиард киши фойдаланадиган WeChat’га эгалик қилади.

Кучли учликдан, шунингдек, Nongfu бренди остида ичимлик сув ишлаб чиқарадиган компания эгаси 70 ёшли Чжун Шаншан ўрин олди. Унинг бойлиги 54,1 миллиард долларга баҳоланган.

Осиёдаги энг бадавлат инсон Мукеш Амбанининг молиявий активлари бизнесдаги муаммолари сабаб 90,9 миллиард долларгача қисқарган. 2024 йилда унинг бойлиги 120 миллиард доллардан ошганди. Ҳозир у 17-ўринни эгалламоқда.

Сайёранинг энг бой инсонлари рейтингига Илон Маск бошчилик қилмоқда (336 миллиард доллар). Эслатиб ўтамиз, ўтган йилнинг декабрида The Guardian америкалик тадбиркор Илон Маск 2027 йилга бориб дунёдаги биринчи доллардаги триллионерга айланиши мумкинлиги ҳақида ёзганди.

#Хитой #TikTok #Чжан Имин