Қурбон ҳайити муносабати билан ички саёҳатларга чегирмалар эълон қилинди

Қурбон ҳайити байрами муносабати билан 2025 йил 6-8 июн кунлари аҳолининг дам олиш вақтини мароқли ташкил этиш ҳамда ички туризм йўналишида саёҳатларга жалб қилиш мақсадида республика бўйлаб чегирмалар жорий этилмоқда.

Фото: Туризм қўмитаси

Хусусан, республика бўйлаб ҳудудларда фаолият олиб бораётган жойлаштириш воситалари томонидан ўзларининг хизматлари учун 20 фоизгача ихтиёрий чегирмалар жорий этилди.

Шунингдек, "Вақф" хайрия жамоат фонди тасарруфидаги пулли зиёратгоҳларга ташриф буюрувчилар учун бир қанча чегирмалар бериш кўзда тутилган.

Қурбон ҳайити байрами кунлари ногиронлиги бор ва ёши катта фуқаролар ва ёш болаларга зиёратгоҳларга кириш бепул этиб белгиланган.