Расмиятчиликларсиз диплом ҳимояси: Paynet дипломни карера сари қадамга айлантирмоқда

Тошкент Давлат Иқтисодиёт университети (ТДИУ) талабалари илк бор диплом лойиҳаларини аудиторияларда эмас, балки ҳақиқий бизнес муҳити — Paynet бош офисида ҳимоя қилмоқда. Бу ташаббус ТДИУ ва Paynet ўртасида амалий таълимни ривожлантириш ҳамда ёш мутахассисларни қўллаб-қувватлашга қаратилган стратегик ҳамкорлик меморандуми имзоланганидан сўнг амалга ошди. Ушбу ҳужжатга Paynet бош директори Исамухамедов Анвар Садикович ҳамда ТДИУ ректори Тешабоев Тулкин Зокирович томонидан имзо чекилди. Ҳимоя шакли оддий расмиятчилик эмас — бу бутун мамлакат бўйлаб миллионлаб фойдаланувчилар ишлатадиган рақамли маҳсулотлар ва хизматлар устида ҳар куни ишлайдиган мутахассислар олдида тўлиқ профессионал тақдимотдир.

Бу эса ўз даражасида илк бор амалга оширилаётган тажриба ҳисобланади.

Бўлажак иқтисодчилар, таҳлилчилар ва барқарор ривожланиш соҳасидаги мутахассисларни тайёрлайдиган учта асосий кафедранинг талабалари ва профессор-ўқитувчилари диплом ҳимоясида иштирок этдилар. Бу иштирок тадбирнинг илмий даражасини ошириб, тақдим этилган мавзуларнинг кенглигини таъминлади. Яқин кунларда ТДИУнинг бошқа кафедралари ҳам ташаббусга қўшилиб, лойиҳаларни янги йўналиш ва ғоялар билан кенгайтиришни режалаштирмоқда.

Кафедралар бўйича тақдимотлар

“Яшил иқтисодиёт” кафедраси

Асосий эътибор барқарор ривожланиш, табиий ресурслардан оқилона фойдаланиш, атроф-муҳитни тартибга солиш ва “яшил” ташаббусларни баҳолашга қаратилган бўлиб, талабаларнинг ишлари долзарблиги билан ажралиб турди. Устозлар экологик ечимларни давлат ва хусусий сектор учун амалий жорий этиш механизмларига эътиборни қаратишда ёрдам берди.

“Жаҳон иқтисодиёти ва халқаро иқтисодий муносабатлар” кафедраси

Талабалар халқаро савдо ва давлатлар ўртасидаги ўзаро алоқалар, шунингдек, ташқи иқтисодий омилларнинг мамлакат ривожига таъсири каби мавзуларда ишларини тақдим этди. Ўқитувчилар лойиҳаларнинг диққат билан ишлаб чиқилиши ҳамда юқори даражадаги илмий-тадқиқот ва амалий аҳамиятга эга бўлишини таъминлади.

“Макроиқтисодий сиёсат ва прогнозлаш” кафедраси Битирувчилар иқтисодий тенденциялар таҳлили, ўсиш сценарийларини моделлаштириш ҳамда давлат иқтисодий сиёсати стратегияларини ишлаб чиқишга эътибор қаратди. Ўқитувчиларнинг қўллаб-қувватлаши мавзуларни чуқур ишлаб чиқиш ва мантиқий аргументация тузилишда муҳим рол ўйнади.

Баҳолаш жараёни

Ҳимоя формати талабалар ва мезбон томон учун янгилик бўлди. Анъанавий имтиҳон комиссияси ўрнига — мутахассислар билан мулоқот. Ҳисобот ўрнига — ўз фикрини билдириш, ривожланиш ва амалий тажриба олиш имконияти яратилди.Пайнет жамоаси лойиҳаларни баҳолаш билан чекланмай, уларни ҳақиқий бизнес нуқтаи назаридан кўришга ёрдам беришди.

Махсус бир лаҳза сифатида, Paynet томонидан энг яхши талабага, юқори тайёргарлик даражаси, ёндашувнинг оригиналиги ва лойиҳа долзарблигини эътирофи сифатида эсдалик совғалар топширилди.

Бундан ташқари, бир неча талабаларга ҳамкорлик таклиф этилиб — компанияда банк иши, молия, маркетинг ва IТ йўналишларида фаолият бошлаш ва, карера қуришда илк қадамларни қўйиш имконияти берилди.

Амалиётга яқин таълим.

Paynet учун бу фақатгина ижтимоий ташаббус эмас. Бу — стратегия. Бўлажак кадрларни жалб қилиш формати, истеъдодларни намоён этиш имконияти ва бизнесга фақат тажрибали мутахассислар эмас, балки ёш ва амбицияли битирувчилар ҳам кераклигини кўрсатиш усулидир.

Paynet шунчаки эшикларни очмайди — у таълимни ҳаётга, амалиётга ва келажакдаги карерага яқинлаштиради.

Компания офисида диплом ҳимояси формати — бу эксперимент эмас, балки янги стандартдир. Таълим ҳақиқий амалиёт билан юзма юз келганда янги имкониятлар яратиб, талабалар, ўқитувчилар ва бизнес учун катта ютуққа айланади.

Реклама ҳуқуқи асосида