2021 йилги қарорга кўра, 2023-2024 ўқув йилидан бошлаб абитуриентларнинг шаҳодатномаларидаги сўнгги 6 йиллик баҳоларининг ўртача кўрсаткичи ўқишга киришда инобатга олиниши ва тўпланган баллга ўртача баҳо қўшиб берилиши керак эди.
Масалан, 130 балл тўплаган абитуриентга 3, 4 ёки 5 баҳо учун мос равишда 3, 4 ёки 5 балл қўшилиши режалаштирилганди. Бироқ ушбу тартибни жорий қилиш 2023 йилда 2 йилга кечиктирилган эди.
19 июлдаги фармон билан эса 2021 йилги ушбу қарор батамом бекор қилиниб, шаҳодатномадаги баҳолар имтиҳонда инобатга олинмайдиган бўлди.
