Қўшимча функционаллар
-
Тунги кўриниш
Полиэтилен гранулалари импорти учун акциз солиғи ноллаштирилди
Ўзбекистонда ишлаб чиқарилмайдиган полиэтилен гранулалари импорти 2028 йил 1 январгача акциз солиғидан озод этилди. Бу даврда айрим этилен ва пропилен полимерларининг бирламчи шакллари божхона божига тортилмайди.
«Юқори қўшилган қийматга эга бўлган этилен ва пропилен полимерларидан маҳсулот ишлаб чиқарувчи маҳаллий корхоналарни қўллаб-қувватлаш бўйича қўшимча чора-тадбирлар тўғрисида» президент қарори қабул қилинди. Унга кўра:
- 2025 йилнинг 1 сентябридан 2028 йилнинг 1 январига қадар Ўзбекистонда ишлаб чиқарилмайдиган ва аниқ техник параметрлар асосида шакллантирилган рўйхат бўйича олиб кириладиган полиэтилен гранулаларига акциз солиғининг нол ставкаси;
- 2028 йилнинг 1 январигача айрим этилен полимерларининг бирламчи шакллари ва пропилен полимерларининг бирламчи шакллари импорти учун божхона божининг нол ставкаси қўлланади.
Божхона қўмитасига Техник жиҳатдан тартибга солиш агентлиги билан биргаликда (экс-оффицио тамойили асосида) мамлакатга сифатсиз контрафакт қадоқлар, хусусан, полиэтилен ва полипропилен плёнкалар, нотўқима материаллар, полиэтилен қоплар, биг-бэглар ва бошқалар импортининг олдини олиш чораларини кўриш топширилди.
Шунингдек, полиэтилен гранулалар ишлаб чиқарувчи маҳаллий корхоналар учун акциз солиғи солишда импорт билан тенг шароитлар яратилади.
Мавзуга оид
10:57 / 26.11.2025
2026 йил 1 апрелдан чипслар учун акциз солиғи жорий этилиши мумкин
14:53 / 25.08.2025
Экспорт 20 млрд доллардан ошди, шундан 7,7 млрд доллар олтин сотуви – Ўзбекистон ташқи савдоси шарҳи
13:49 / 20.08.2025
Импорт товарларнинг ҳар бир партиясига алоҳида мувофиқлик сертификати беришдан воз кечилади
21:43 / 14.08.2025