Марказий Осиё метрополитенида биринчи марта энг сўнгги авлод - бекатларда 5G ва туннелларда 4,5G узлуксиз юқори тезликдаги мобил алоқа жорий этилди. Ucell компанияси Чилонзор, Ўзбекистон ва Юнусобод йўналишларининг барча ерости бекатлари ва туннелларида мобил алоқа қамровини таъминлади. Энди йўловчилар нафақат бекатларда, балки туннелларда ҳам юқори сифатли овозли қўнғироқларни амалга оширишлари ва қабул қилишлари, ўта юқори сифатли видеоларни томоша қилишлари ҳамда ўртача 142 Мбит/с тезликда юқори аниқликдаги жонли эфирларни олиб боришлари мумкин.
Ucell техник директори Сергей Мелников:
«Туннелларда уяли алоқа таъминотини йўлга қўйиш лойиҳаси қанчалик қизиқарли бўлса, шунчалик мураккаб эди. Биз узун ерости йўлакларининг ўзига хос хусусиятлари ва кўрсаткичларини ҳисобга олдик; тиғиз соатларда фойдаланувчилар сони юқори бўлишини эътиборга олдик.
Лойиҳа 2023 йил баҳорида бошланиб, Хитой ва Осиё-Тинч океани минтақаси мамлакатларида синаб кўрилган энг сўнгги Huawei ускуналарида амалга оширилди. Ерости транспортининг ўхшашлигига қарамай, турли мамлакатлардаги туннелларнинг ўлчамлари бир-биридан фарқ қилади. Бу ерда техник ечимларни шунчаки нусхалаш билан чекланиб бўлмайди. Ucell ва Huawei мутахассислари туннеллар ичкарисига ўрнатиладиган таянч станциялари тузилмаларини пухта ишлаб чиқишди.
Улар метро бир неча соатга тўхтатиладиган тунлари ишлашарди.
100 километрдан ортиқ оптик кабел ётқизилди, бу нафақат Ucell тармоғининг ишлашини таъминлаш, балки метрополитеннинг техник алоқасини ҳам яхшилаш имконини берди. Бундан ташқари, 150 километрдан зиёд электр кабеллари ўрнатилди ҳамда 3G, 4,5G ва 5G тармоқларини қўллаб-қувватловчи 200 тадан ортиқ радио узаткичлар жойлаштирилди.
Натижада, метрода алоқа тармоғи барқарор ишлаяпти: бутун сафар давомида видео кўриш, расмлар юбориш ва онлайн мулоқот қилиш имконияти мавжуд».
Тан Сяосян, Huawei компаниясининг Ўзбекистондаги бош директори:
«Ўзбекистонда 5G тармоқларининг ривожланиши иқтисодий ўсишнинг, технологик инновацияларни жорий этишнинг ва аҳоли турмуш сифатини яхшилашнинг асосий ҳаракатлантирувчи кучларидан биридир. Мамлакатда бешинчи авлод тармоғи қамрови ҳудуди сўнгги бир йил ичида сезиларли даражада кенгайди, бу эса нафақат фойдаланувчиларга, балки транспорт соҳасига ҳам янги тажриба ва имкониятлар тақдим этди. Ucell компаниясининг метро бекатларида 5G тизимини ишга тушириш ва туннелларни алоқа билан қоплаш лойиҳаси келажакда технологияларни шаҳар темирйўлларини бошқариш тизимларига интеграция қилиш имконини беради, бу эса саёҳатларни янада қулайроқ, хавфсизроқ ва қулайроқ қилади.
