Қўшимча функционаллар
-
Тунги кўриниш
Россия ва АҚШ Украина бўйича музокараларда энергетика келишувларини муҳокама қилган
Россия ва АҚШ ҳукуматлари вакиллари Exxon компаниясининг "Сахалин-1" лойиҳасига қайтиши ва "Арктик СПГ 2" лойиҳаси доирасидаги ҳамкорлик имкониятларини муҳокама қилди, деб ёзади Reuters.
Фото: REUTERS/Vladimir Soldatkin
Украинадаги вазиятни тинч йўл билан тартибга солиш бўйича сўнгги музокаралар чоғида Россия ва АҚШ ҳукуматлари вакиллари энергетика соҳасидаги қатор келишувларни ҳам муҳокама қилди, деб хабар берди ушбу музокаралар жараёнидан хабардор бўлган беш аноним манбага таяниб Reuters агентлиги. Нашрнинг ёзишича, муҳокамалар Кремлни Украинада ўт очишни тўхтатишга ва Вашингтонни Москвага қарши санкцияларни юмшатишга ундаш мақсадида ўтказилган.
Хусусан, муҳокамада Американинг Exxon Mobil корпорациясининг Россиянинг нефт ва газ қазиб олиш бўйича "Сахалин-1" лойиҳасига қайтиши истиқболи муҳокама қилинди. Россия президенти Владимир Путин томонидан имзоланган чет элликлар учун "Сахалин-1" лойиҳаси операторидаги улушни олиш шартлари тўғрисидаги фармон Exxon Mobil компаниясига ундаги улушини қайтаришга рухсат бериши мумкин, деб таъкидлади Reuters. Фармон 15 августда, Путиннинг АҚШ президенти Доналд Трамп билан Аляскада учрашган куни санаси имзоланган. Ушбу музокаралар кун тартибига икки давлат ўртасидаги «сармоявий ва ишбилармонлик ҳамкорлик имкониятлари» киритилиши керак эди.
Reuters'нинг 26 августдаги мақоласида айтиб ўтилган Россия ва АҚШ ўртасидаги ҳамкорликнинг яна бир йўналиши бу "Арктик СПГ 2" каби суюлтирилган газ ишлаб чиқариш лойиҳалари учун Россиянинг Америка ускунасини сотиб олишидир. Бу лойиҳа ғарб санкциялари остида.
