Уиткофф: Путиннинг Украинага тинчлик таклифи "Донецкни ўз ичига олади"

АҚШ президентининг махсус вакили таъкидлаганидек, Аляскадаги саммитдан сўнг унда Путин ҳақиқатан ҳам уруш тугашини хоҳлаётгандек таассурот пайдо бўлди. Аммо ҳудудлар бўйича қарорни украиналикларнинг ўзи қабул қилиши керак.

Фото: Gavriil Grigorov/AP Photo/picture alliance

Москва Украинанинг Донецк вилоятига тааллуқли Киевга ўт очишни тўхтатиш таклифи билан чиқди. Бу ҳақда АҚШ президентининг махсус вакили Стив Уиткофф Fox News телеканалига берган интервюсида маълум қилди.

«Россияликлар тинчлик таклифини столга қўйди. Унга Донецк (Украинанинг Донецк вилояти) киради. Бу украиналиклар қабул қила олмайдиган нарса бўлиши мумкин, лекин ҳеч ким ҳеч қачон бундай ўзгаришга эришмаган. Ва бу унинг (АҚШ президенти Доналд Трамп) шахсиятининг кучлилиги, бу можаро ва ўлимни тугатишга ундаган мотивациясидир. Ва биз урушнинг охирига етиб боряпмиз, деб ўйлаймиз», - деди у.

Уиткоффнинг сўзларига кўра, у шу ҳафта Ню-Йоркда Украина вакиллари билан учрашиб, тинчлик келишувини муҳокама қилишни режалаштирмоқда. «Бу ҳафта украиналиклар билан учрашув бўлади. Мен улар билан шу ҳафта Ню-Йоркда учрашаман ва бу катта сигнал. Биз ҳар куни россияликлар билан гаплашяпмиз. Ўйлайманки, бу (Россия ва Украина президентларининг) икки томонлама учрашувни кўришимиз билан якунланиши мумкин».