Ўзбекистон ва Эрон Афғонистон йўналишидаги ҳамкорликни муҳокама қилди

Ўзбекистон президентининг Афғонистон бўйича махсус вакили Исматулла Эргашев Эрон ташқи ишлар вазири ёрдамчиси - Жанубий Осиё бўйича департаменти директори Муҳаммад Ризо Баҳромий билан учрашди.

ТИВ маълумотига кўра, мулоқот чоғида Афғонистон йўналишидаги икки томонлама ҳамкорликнинг долзарб масалалари, минтақавий барқарорлик ва хавфсизлик мавзулари муҳокама қилинди.

Томонлар Ўзбекистон ва Эрон ўртасидаги мунтазам ва конструктив мулоқотни давом эттиришдан ўзаро манфаатдор эканини тасдиқлади ҳамда икки ва кўп томонлама форматларда мунтазам маслаҳатлашувларни давом эттиришга келишиб олди.