Уч ойда 60 мингдан зиёд ҳайдовчи жарима балларини олди

1 июндан бошлаб, йўл ҳаракати қоидаларини бузганлик учун жарима балларини ҳисоблаш тизими ишга туширилгач, уч ой ичида 60 мингдан ортиқ ҳайдовчилар жарима балларини олган.

Фото: Kun.uz

Йўл ҳаракати хавфсизлиги хизмати хабар беришича, ўтган даврда:

5 баллгача жарима тўплаганлар — 4 нафар;
4 баллгача — 14 нафар;
3 баллгача — 129 нафар;
2 баллгача — 4976 нафар;
1 баллгача — 63 974 нафар ҳайдовчини ташкил этган.

9 миллион 325 мингдан ортиқ ҳайдовчи умуман жарима балли олмаган.

Уч ой ичида қоидабузарликлар ва йўл-транспорт ҳодисалари сезиларли даражада камайган. Хусусан, июн-августда 167 мингта қоидабузарлик аниқланган бўлиб, бу 2024 йилнинг шу даврига нисбатан (285 мингта) 58 фоизга кам. Бу даврда ҳайдовчи айби билан содир этилган йўл-транспорт ҳодисалари сони 2024 йилдаги 531 тадан жорий йилда 338 тагача — 36 фоизга қисқарди.