Қўшимча функционаллар
-
Тунги кўриниш
Путин Украинага Tomahawk ракеталари берилса, Трампга «муносабатлар бузилиши» билан таҳдид қилди
Шу билан бирга, у вазиятнинг ривожланиши «фақат ўзига боғлиқ эмаслигини» қўшимча қилди.
Фото: Vladimir Smirnov / TASS
Қўшма Штатларнинг Украинага 2,5 минг километргача бўлган нишонларга зарба бера оладиган узоқ масофали Tomahawk ракеталарини етказиб бериши Россия-АҚШ муносабатларининг барбод бўлишига олиб келади. Бу ҳақда Россия президенти Владимир Путин айтди.
«Мен аллақачон айтдимки, бу муносабатларимизнинг, ҳар ҳолда бу муносабатлардаги ижобий тенденцияларнинг барбод бўлишига олиб келади», деди Путин. Шу билан бирга, у вазиятнинг ривожланиши «фақат бизга ва фақат менга боғлиқ эмаслигини» қўшимча қилди.
Украинага Tomahawk етказиб бериш ташаббуси президент Володимир Зеленскийнинг БМТ Бош Ассамблеяси майдонида президент Доналд Трамп билан ёпиқ учрашуви чоғида билдирилган. Украина раҳбари музокаралар жараёнини қайта тиклаш учун Россияга босимни кучайтириш зарурлигини таъкидлаб, ушбу қуролларни беришни сўраган. Кейинчалик Зеленский Трамп сўровга «бу борада ишлаш» ваъдаси билан жавоб берганини тасдиқлади.
Сентябр ойи охирида АҚШ вице-президенти Жеймс Вэнс маъмурият ҳақиқатан ҳам Tomahawk қанотли ракеталарини Киевга топшириш имкониятини муҳокама қилаётганини айтиб, якуний қарорни шахсан Трамп қабул қилиши кераклигини таъкидлаган эди.
