ГФР ҳукумати: Ғазога янги ёрдам тақдим этилади, ЦАҲАЛ учун эмбарго қайта кўриб чиқилади

Германия Ғазо секторини реконструкция қилиш учун 100 миллион евродан ортиқ ёрдам ажратишга тайёрланмоқда, дея маълум қилди Германиянинг иқтисодий ҳамкорлик ва ривожланиш вазири Рим Алабали-Радован 12 октябр, якшанба куни Германиянинг ARD телеканалида.

Унинг аниқлик киритишича, аниқ сумма ҳали аниқланмаган, аммо «уч рақамли миллионларда» бўлади. 2023 йил 7 октябр куни ҲАМАС ҳужумидан кейин музлатиб қўйилган Ғазога ёрдамнинг бир қисми аллақачон тикланди ва энди яна мавжуд, дея қўшимча қилди Алабали-Радован.

Шу куни кечқурун Германия вице-канцлери ва молия вазири Ларс Клингбайл ARD телеканалига берган интервюсида ҳукумат Исроилга қисман қурол эмбаргосини қайта кўриб чиқишини эълон қилди. «Вазиятни қайта кўриб чиқамиз», деб жавоб берди вазир телебошловчининг саволига.

Август ойида канцлер Фридрих Мерц ҳукумати Ғазо секторидаги жанговар ҳаракатларда қўлланиши мумкин бўлган қуролларни Исроилга экспорт қилишни тўхтатган эди. 13 октябр куни Мисрда Исроил ва ҲАМАС ўртасида тинчлик шартномаси имзоланиши бу қарорнинг бекор қилинишига таъсир этиши мумкин.