Инфографика: Евросиёдаги давлатларнинг ҳақиқий ўлчамлари

Ушбу инфографикада Евросиё давлатларининг ҳақиқий ҳажми нисбати аниқ кўрсатилган. Аслида, шимолий мамлакатлар хариталарда кўринадиганидан анча кичикроқ.

Фото: designboom

Ер шарсимон. Расмни текис юзага ўтказишга уринганда, қитъалар ва мамлакатларнинг нисбати бузилади.

Кўпгина замонавий хариталарда 1569 йилда фламанд картографи Герард Меркатор томонидан таклиф қилинган проекциядан фойдаланилади. Бу проекция дастлаб денгизчилар учун мўлжалланган эди.

Ушбу проекциянинг асосий афзалликларидан бири денгизчилик учун зарур бўлган бурчак бузилишларини нолга тушириш қобилиятидир. Ушбу хариталарда ҳудудларнинг контурлари аниқ кўрсатилган, аммо уларнинг ўлчамлари анча бузиб кўрсатилган.

Қутбларга яқин жойлашган мамлакатлар хариталарда энг кескин тарзда катталаштирилади. Экватор яқинида жойлашган мамлакатлар эса кичикроқ кўринади.

Таққослаш учун, Россиянинг майдони тахминан 17 миллион квадрат километрни, Хитойники эса 9,5 миллион квадрат километрни ташкил қилади. Гренландиянинг майдони (2,1 миллион квадрат километр) Испанияникидан (505 000 квадрат километр) тахминан тўрт баравар катта. Одатий харитада улар орасидаги фарқ анча каттароқ кўринади.

Тайёрлаган: Отабек Матназаров

#Евросиё #инфографика