Озиқ-овқат ишлаб чиқаришда ГМОдан фойдаланишни тақиқлаш чоралари қабул қилинади

"Озиқ-овқат маҳсулотларини ишлаб чиқаришда генетик модификацияланган организмлар, хомашёлар ва трансёғлардан фойдаланишни тақиқлаш чора-тадбирлари тўғрисида"ги ҳукумат қарори лойиҳаси эълон қилинди.

Санитария-эпидемиологик осойишталик ва жамоат саломатлиги қўмитаси 2025 йил якунига қадар:

озиқ-овқат маҳсулотлари таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи мавжудлигини ўрганиш бўйича илмий-тадқиқотлар ўтказади;
генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи миқдорининг озиқ-овқат маҳсулотларидаги гигиена нормативларини ишлаб чиқади;
озиқ-овқат маҳсулотларини таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи мавжуд бўлган маҳсулотларга санитария-эпидемиологик хулоса расмийлаштириш давомида синов лабораторияларида уларнинг миқдорини аниқлаш бўйича таҳлиллар ўтказилишини йўлга қўяди;
бунда лабораторияларни зарур асбоб ускуналар билан таъминлаш, текшириш усулларини жорий қилиш ва аккредитация доирасини кенгайтириш чораларини кўради;
ўтказилган илмий-тадқиқот ва лаборатория таҳлиллари натижалари ҳамда Жаҳон соғлиқни сақлаш ташкилотини тавсияларига мувофиқ, генетик модификацияланган организмлар (ГМО) ва хомашёлар, трансёғлар, шу жумладан, техник палма ёғининг озиқ-овқат маҳсулотлари таркибида бўлиши хавфини баҳолаш механизмларини ишлаб чиқади;
баҳолаш натижаси бўйича импорт ва маҳаллий озиқ-овқат маҳсулотлари таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи бўлган озиқ-овқат маҳсулотларини тақиқлаш ва чеклаш бўйича чораларни кўради.

Божхона қўмитаси, Давлат солиқ қўмитаси, Санитария-эпидемиологик осойишталик ва жамоат саломатлиги қўмитаси доимий равишда:

республикага олиб кириладиган ва реализация қилинадиган таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи бўлган озиқ-овқат маҳсулотлари устидан белгиланган тартибда самарали назоратни йўлга қўяди;
таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи мавжуд бўлган озиқ-овқат маҳсулотларини мажбурий рақамли маркировкалаш талаби жорий қилинадиган маҳсулотлар рўйхатига киритилишини ҳамда мажбурий маркировкалаш тизими жорий этилишини йўлга қўяди.

Рақобатни ривожлантириш ва истеъмолчилар ҳуқуқларини ҳимоя қилиш қўмитаси Санитария-эпидемиологик осойишталик ва жамоат саломатлиги қўмитаси билан биргаликда доимий равишда:

генетик модификацияланган организмлар (ГМО) ва хомашёлар, трансёғлар қўшилиши хавфи юқори бўлган озиқ-овқат маҳсулотларининг назорат харидларини амалга оширади;
назорат харидида сотиб олинган озиқ-овқат маҳсулотларни Санитария-эпидемиологик осойишталик ва жамоат саломатлиги қўмитасининг аккредитациядан ўтган лабораторияларида бепул синовдан ўтказади;
назорат хариди натижасида тегишли санитария қоидалари талабларига номувофиқ деб топилган озиқ-овқат маҳсулотларини ишлаб чиқарган, импорт қилган ҳамда реализация қилган жисмоний ва юридик шахслар тўғрисидаги маълумотларни ўзларининг расмий веб-сайтларида ва оммавий ахборот воситаларида эълон қилиб боради;
таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи мавжуд бўлган озиқ-овқат маҳсулотлари тўғрисида оммавий ахборот воситалари орқали кенг кўламли тарғибот ва ташвиқот ишларини тизимли равишда олиб боради.

2025-2027 йиллар давомида Соғлиқни сақлаш вазирлиги, Санитария-эпидемиологик осойишталик ва жамоат саломатлиги қўмитаси, Қишлоқ хўжалиги вазирлиги қуйидагилар бўйича илмий лойиҳаларни танловлар асосида шакллантиради:

генетик модификацияланган организмлар (ГМО) ва хомашёлар, трансёғлар, жумладан палма ёғининг озиқ-овқат маҳсулотларининг сифати ва хавфсизлигига таъсирини ўрганиш;
носоғлом овқатланиш туфайли юзага келадиган юқумли бўлмаган касалликларнинг олдини олиш;
таркибида генетик модификацияланган организмлар (ГМО) ва хомашёлар, трансёғлар, шу жумладан, техник палма ёғи мавжуд бўлган озиқ-овқат маҳсулотларини истеъмол қилишнинг тақиқлаш ёки рухсат этилган меъёрларини белгилаш;
профилактик хусусиятга эга озиқ-овқат маҳсулотларининг технологияларини ишлаб чиқиш.

https://regulation.adliya.uz/project/6853/19031?contentLang=uz