Экспорт ва импорт ўсиши: Ўзбекистон ташқи савдо айланмаси 60 млрд долларга яқинлашди

2025 йилнинг январ-сентябр ойларида Ўзбекистоннинг ташқи савдо айланмаси 59,8 миллиард АҚШ долларига етди. Бу кўрсаткич ўтган йилнинг мос даврига нисбатан 22,9 фоизга ошди, деб хабар қилади Миллий статистика қўмитаси.

Фото: Kun.uz

Маълумотларга кўра, экспорт ҳажми 26,7 млрд доллар (+33,3 фоиз), импорт эса 33,1 млрд доллар (+15,6 фоиз)ни ташкил қилди. Шу тариқа, ташқи савдода Ўзбекистоннинг улуши сезиларли даражада ўсмоқда.

Ўзбекистоннинг ташқи савдо ҳамкорлари сони 206 тага етди. Энг катта улуш Хитой (19,1 фоиз), Россия (15,7 фоиз), Қозоғистон (5,8 фоиз), Туркия (3,6 фоиз) ва Корея Республикаси (2,2 фоиз) ҳиссасига тўғри келди.

Экспертлар таъкидлашича, ташқи савдо ўсиши мамлакат иқтисодиётининг барқарорлигини ва халқаро ҳамкорликни янада мустаҳкамлайди.

Тайёрлаган: Отабек Матназаров

#экспорт #импорт #статистика