2025 йил учун давлатлар бўйича жаҳон молиявий хавф даражаси харитаси

Молиявий ва тижорий хавф компаниялар ўртасида ликвидлик муаммоларидан тортиб савдо фаолиятидаги узилишларгача бўлган қисқа муддатли шоклар олдида мамлакатларнинг заифлигини акс эттиради.

Фото: Getty Imagеs

Ушбу инфографика Allianz Trade маълумотларига асосланиб, 2025 йил учун қисқа муддатли молиявий ва тижорий хавфларнинг глобал манзарасини визуаллаштиради. Қисқа муддатли хавф рейтинги муайян мамлакатдаги компаниялар томонидан тўловлар бажарилмаслиги эҳтимолини икки кўрсаткич орқали баҳолайди: молиялаштириш оқимлари ва талабдаги узилишлар.

Паст хавф, асосан, ривожланган иқтисодлар ва нефт даромадларига эга мамлакатларга хос. Бу тоифада 90 та давлат бор, жумладан: АҚШ, Канада, Германия, Япония, шунингдек Ғарбий Европанинг кўпчилиги — Франция, Швейцария, Шимолий Европа мамлакатлари.

Осиё-Тинч океани минтақасида — Хитой, Сингапур, Япония, Жанубий Корея, шунингдек Австралия.

Ўртача хавф Бразилия, Ҳиндистон, Ветнам, Мексика каби ривожланаётган давлатларда кузатилади.

Сезгир хавф (ўртачадан бир босқич юқори) 42 та мамлакат учун хос бўлиб, жумладан, Аргентина, Бангладеш, ЖАР ва 15 тадан кўпроқ Африка давлатларини ўз ичига олади.

Юқори хавф Суб-Саҳро Африкасида, Яқин Шарқнинг айрим мамлакатларида ва Украина, Сурия, Судан каби низолардан жабр кўрган давлатларда жамланган. Бу иқтисодлар кредитлаш чекловлари ва талаб ҳамда иқтисодий фаолиятдаги қисқа муддатли узилишларга дуч келиши мумкин.