3–10 сентябр кунлари Жанубий Кореяда ўтказилган «III Халқаро мерганлар мусобақаси»да Ўзбекистон жамоаси фахрли 1-ўринни эгаллади, дея хабар берди Мудофаа вазирлиги ахборот хизмати.
Мусобақада 8 та давлатдан жами 28 та жамоа иштирок этган. Иштирокчилар кундузи ва тунда шаҳар, тоғ ва ўрмон шароитларида мураккаб тактик машқларни бажаришди. Нишонларнинг 40 фоизини ҳаракатланувчи ва ҳаводаги дронлар ташкил этди.
Эътиборлиси, жорий йилда ўтган йилда бажарилган машқларнинг бирортаси такрорланмаган. Ҳар бир машқ шарти бошланмагунга қадар ошкор қилинмаган. Ўзбекистон Мудофаа вазирлиги турнирда 3 та жамоа билан иштирок этиб, якунда 1-ўринни қўлга киритди. Иккинчи ўрин Ветнам, учинчи поғона эса Туркия мерганларига насиб этди.
Маълумот учун, Ўзбекистон жамоаси ушбу мусобақада 2024 йилда 2-ўринни, 2025 йилда эса чемпионликни қўлга киритганди.
