Ўзбекистонда кўп аёллар 25–30 ёшдан кейин ҳаётда янгитдан йўл бошлаш учун кеч эмасми, деб иккиланишади. Гўё бу ёшга келиб ҳамма нарса ҳал бўлган, тўхтаб қолган, ўзини қайта ихтиро қилиш учун вақт қолмагандек.
Аслида эса дунё миқёсидаги энг катта муваффақиятлар айнан 35-40 ёшдан кейин бошланган.
Катерина Фейк — 35 ёшида Flickr’га асос солган ва миллионерга айланган. У 2002 йилда ўзининг биринчи онлайн-лойиҳасини бошлаган, лекин у муваффақият қозонмади. Бироқ 34 ёшида иккинчи уринишни қилади — Flickr. Бир йил ўтиб Yahoo уни сотиб олади. Бугун Flickr дунёдаги энг катта фотоплатформалардан бири.
Вера Ванг — дунёдаги энг машҳур келинлик либослари дизайнери. У 40 ёшида мода оламига кириб келган ва муваффақият қозонган.
JK Rowling — боласини боқиш учун нафақа оладиган ёлғиз она эди. Шу вазиятда “Гарри Поттер”ни ёза бошлади. Ўшанда у 31 ёшда эди ва етти китобдан иборат бу машҳур асари унга 1 млрд доллар даромад келтирган.
Тони Моррисон — америкалик ёзувчи, биринчи китобини 39 ёшида ёзган, 62 ёшида Нобел мукофотини олган. У ҳам ёлғиз она эди ва ишдан кейин ижод қиларди.
Арианна Ҳаффингтон — 55 ёшида The Huffington Post’ни очди, 60 ёшида мултимиллионер бўлди. Газетага ўз номини берган. 2011 йилда AOL уни 315 миллион долларга сотиб олди.
Нима учун бу мисоллар ўзбек аёллари учун муҳим?
