Тошкентда сохта трейдер қўлга олинди

У фуқаронинг пулини сармоя қилиш орқали кўпайтириб беришга ишонтириб, 100 минг АҚШ долларини олган.

Фото: Getty Imagеs

Тошкент шаҳри Юнусобод туманида Шуҳрат исмли шахс фуқаронинг пулини сармоя қилиш орқали кўпайтириб беришга ишонтириб, 100 минг АҚШ долларини олиб, ўз эҳтиёжларига сарфлаб юборган. Бу ҳақда Тошкент шаҳар ИИББ хабар берди.

Ҳолат юзасидан Юнусобод тумани Ички ишлар органлари фаолиятини мувофиқлаштириш бошқармаси тергов бўлими томонидан Жиноят кодексининг 168-моддаси (Фирибгарлик) тўртинчи қисми билан жиноят иши қўзғатилган ва тергов ҳаракатлари давом этмоқда.

Тошкент шаҳар ИИББ фирибгарлардан огоҳ бўлишга чақирди.