Автомобиллар импорти: Ўзбекистон бозорида Хитой, Корея ва АҚШ пешқадам

Миллий статистика қўмитасига кўра, 2025 йил январ–сентябр ойларида Ўзбекистонга 29 давлатдан жами 56 337 дона енгил автомобиль (электромобилларини қўшган ҳолда) импорт қилинди. Импорт қиймати 807,3 млн АҚШ долларини ташкил этди, ўтган йилнинг мос даврига нисбатан ҳажм 1 927 донага ошди.

Фото: Freepik

9 ойлик маълумотларга кўра, энг кўп енгил автомобил етказиб берган давлатлар қуйидагича:

Хитой — 51 770 дона;
Корея Республикаси — 2 524 дона;
АҚШ — 511 дона;
Япония — 296 дона;
Германия — 265 дона;
Ҳонгконг — 249 дона;
Россия — 171 дона;
Ҳиндистон — 168 дона;
БАА — 98 дона;
Австрия — 63 дона;
бошқа давлатлар — 222 дона.

Импорт ҳажмининг асосий қисми Хитой улушига тўғри келмоқда (қарийб 92 фоиз). Корея Республикаси иккинчи ўринда, АҚШ учликни якунламоқда. Электромобилларнинг улуши ҳам умумий динамикага сезиларли таъсир кўрсатмоқда.